ميدان التحرير
كتبها علاء دياب ، في 26 نوفمبر 2011 الساعة: 07:20 ص
ميدان التحرير
كلمات : علاء دياب
يفوت الشهر والتاني
ولسه يا مصر بنعاني
من الحرمان
من الطغيان
من الظلم اللي خلاني
أسيب بيتي في عز البرد
وأروح أقف في الميدان
ومش خايف
يجيني الريح
بغاز مسموم …. يكويني
ولا ضابط بدبورتين
وابن يومين
بينشن على عيني
وقال إيه …. بيحميني
*****
فداكي العين يا بلادي
فداكي روحي وفؤادي
*****
ومهما طالت الأيام
أنا واقف هنا أنادي
أقول يا رب يا رحمن
يا حَنَّان يا مَنَّان يا هادي
انصر شعبنا الغلبان
ورجع حق أولادي
لجل نعيش في حرية
وننسى الظلم والإجرام
ونبني بالأمل بكره
ونـتلاقى في خير وسلام
ليست هناك تعليقات:
إرسال تعليق